[轉載/蘋果日報] 無綫節目《超級巨聲 2》評判之一的杜麗莎（ Teresa），近日在節目中狂鬧陳潔靈（ Elisa）、主持森美和 Mini等人。森美前晚爆響口指杜麗莎周日錄影完第五集節目便暫別，這個敏感時間忽然冇得留低，曾被鬧爆的陳潔靈昨日不願置評。
杜麗莎近日做《超級巨聲 2》評判，被網民炮轟惡魔上身，鬧勻另一評判陳潔靈、主持森美和參賽者，狂辣火頭，估不到她錄完本周日第 5集便要被叮走。
被杜麗莎寸過的森美前晚到銅鑼灣出席時裝店開幕，他踢爆杜麗莎稍後暫不會再當評判，並由陳奐仁和單立文頂上。森美被重提遭狠罵尷尬笑說：「我會盡量唔笑，一陣又話我笑小朋友， Teresa又會鬧，不過有 Teresa喺度 chemistry（化學作用）好好多，以往 Elisa最具經驗，家兩個就比拼，生色唔少，好有火花。」
杜麗莎赴加國
森美又說：「叫我唔笑嗰次先幾好笑，但有 Teresa喺度就生氣不少，唔係，係生色不少，當時自己都驚，但知佢鬼妹仔性格，所以冇嬲。」他指杜麗莎在這敏感時間突然被 out，確十分巧合。
杜麗莎昨日接受商台訪問，對於近期的是非，她笑說：「好笑囉，陳潔靈都有打畀我，怕出咗報道我會嬲，我哋咁多年朋友，點會唔明白？我哋都冇嗌過交。」她不排除是宣傳手法，並說：「之後會去多倫多做嘢， 7月中先返香港，到時叫我再做評判都冇所謂。」她又預告這個星期的《巨星 2》會更精采。
陳潔靈表同情
陳潔靈同情杜麗莎被轟，她昨日在電話中說：「我知道 Teresa話錄 5集，佢真係冇鬧我，呢件事後我同佢傾過電話，佢話唔介意，雖然家發生嘅嘢對佢唔係好嘅影響，我最初做評判都俾人鬧過，我真係唔方便評論。」陳潔靈透露不排除杜麗莎會在 8月重返節目。另一評判趙增熹昨日則在電話說：「佢哋係用唔同角度同觀點去睇緊件事，佢兩個都係性情中人，感情流露會盡啲。」
採訪：溫敏芝、林妃
攝影：陳慧安
0 comments:
Post a Comment