[轉載/Youtube] [轉載/蘋果日報] 六四 20周年燭光集會「一舉成名」嘅事旦男，今年六四 21周年再出擊，仲矢言繼續以無綫新聞部為舉牌對象，但就叫無綫前線記者唔使擔心，因為佢唔會再趁記者做直播時舉牌，只會針對無綫新聞部阿頭袁志偉。
事旦男舊年趁 TVB記者方東昇在維園燭光集會做現場直播時，喺後面高舉「無綫新聞，事事旦旦」紙牌，批評無記低調處理六四新聞等問題，一石擊起千重浪，搞到 CCTVB形象更深入民心。
最不滿高層冇件事
事旦男噚日主動同八方講，過去一年無綫新聞算有改善，至少今年六四遊行同政府強搶民主女神像事件都有報吓，但佢仍然認為在眾多電視台中，無綫新聞質素係包尾。
佢最不滿嘅，係無綫新聞部高層從冇站出來回應批評，由得記者喺前線受氣，所以佢今年會再舉牌，但唔會驚動記者做直播，只會趁佢哋 standby嘅時候企埋去，畀報紙記者影相。事旦男話，歸根究柢， TVB中央台化，係政府唔肯開放大氣電波，若果香港有足夠言論空間，佢得鬼閒搞無綫！
0 comments:
Post a Comment