Header Row

[娛樂] 張國強調戲黃婉曼:佢有波

張國強調戲黃婉曼 直播出街 2010年06月15日


KK張:「黃婉曼有波!我有少少鍾意左佢!」TVB成班厹明挑逗佢


[轉載/蘋果日報] 今屆世界盃無綫翡翠台不但沒有賽事直播,更因版權限制不能播映任何精華片段,但無綫仍堅持製作《世界盃動起來》,以模擬入球動畫取代精華片段,找來張國強( KK)、阮兆祥、錢嘉樂和鍾志光主持,及邀得天氣女神黃婉曼主持《戰雲密報》環節,以講波講天氣來搞噱頭。

不過,無綫《世盃》前日( 13日)凌晨 12時進行第 2集直播期間, KK涉嫌調戲備受宅男寵愛的黃婉曼。在黃婉曼主持完《戰雲密報》後,錢嘉樂邀她坐在嘉賓席一起講波, KK竟忽然爆響口說:「黃婉曼真係好,佢又有波……」嚇得現場主持和嘉賓目瞪口呆,一度鴉雀無聲,其後紛紛忍不住捧腹大笑起來。自知口快快講錯說話的 KK惟有繼續死撐說:「有波有天氣有分析。」笑到趴低的嘉樂遂為 KK解窘說:「內容呀!」 KK繼而一本正經說:「我覺得佢好有智慧。」鍾志光亦撐道:「總之有內涵!」至於黃婉曼則一臉尷尬地陪笑。其後 KK再為自己打圓場說:「我覺得我有少少鍾意咗佢㖭!」

對於被 KK公然指有波,黃婉曼昨日在電話中表示不尷尬:「知佢原意唔係咁,因為開場前佢讚過我講天氣又講波,佢都係講漏口啫,唔係有心,大家嘻嘻哈哈笑吓咪算囉!之後佢都有同我講唔好意思。」記者昨日曾聯絡 KK,但至截稿前未獲回覆。

此外,《世界盃動起來》播映以來備受觀眾網民批評,廣管局昨日共接獲 16宗有關投訴,內容除指不能在免費電視睇世界盃外,更不滿無綫以動畫代替精華片段。無綫昨日亦接獲 3宗投訴,指一班主持七嘴八舌齋 talk、沒有真正入球片段,及指其中兩位女藝人(藍莓劉俐和梁政珏)不懂講波等。對此無綫外事部副總監曾醒明昨回應說:「我哋會將意見向製作部反映。世界盃開鑼只係幾日,女藝員對足球嘅認識要加強,希望畀少少時間佢哋。至於精華片段唔能夠播出, TVB已經花咗 7位數字向法國購買模擬片段版權,亦有派藝員去南非當地採訪,盡能力加強內容。」雖然節目被投訴,但平均仍有 6點收視,約 38萬觀眾欣賞。

[o靚模影片] [主頁] [最新影片] [蘇GOOD] [亞洲星光大道] [黃毓民]
[化妝美容] [兒歌] [肥媽老友記] [旅遊飲食] [食譜] [MV] [運程] [最新影片]

0 comments: