[轉載/Youtube] June 11, 2010 — (蘋果隔牆有耳)o靚界「民主女神」周澄感情生活精采，同社民連成員曾浚瑛分手後，公投日有新男友探班，好 sweet咁抱抱，近日佢感情狀況又有變化，噚日忽然喺 facebook留言，向身在美國嘅「馬草泥」任亮憲表示「我好掛住你！」又憑歌寄意，送上冧歌" Somethin' Stupid"畀馬草泥。呢單嘢引起網友起哄，熱鬧情況媲美高官落區嗌起錨。兩人疑似打情罵俏，嚟真定玩嘢，佢哋心知肚明。八方見到馬草泥回應，話周澄咁搞，隨時觸發全港宅男暴動，甚至連「社 X連」某啲位高權重核心人士都會鼓譟，佢返港後可能要被公審！講多幾句，馬草泥引用煲呔同佢講嗰句：「你嘅表演時間夠喇！」轉贈周澄。網上討論區流傳「故事」，指社民連有人想周澄入黨只係煙幕，想追佢先真，因此一度傳出周澄入黨傳聞。家陣周澄同馬草泥疑似撻着，撲朔迷離程度，同政改談判差不多。
[化妝美容] [兒歌] [肥媽老友記] [旅遊飲食] [食譜] [MV] [運程] [最新影片]
0 comments:
Post a Comment