[娛樂] 傅穎騷腿扭腰露底橫任摸

明報-傅穎新歌挑戰性感底線


Theresa 傅穎騷腿扭腰露底橫任摸補唱功不足 2010-07-26


傅穎 Theresa 加加夫人@ 07/25/10 傅穎 Theresa Life 感性接觸


[轉載/蘋果日報] 之前喺《勁歌金曲》唱歌走音嘅傅穎（ Theresa），閉關練歌後噚日喺鑽石山宣傳寫真集同埋新碟，聽吓佢有乜大改進。 Theresa喺現場唱同一首歌唱咗兩次，其中一次疑似咪嘴，不過之後佢又堅稱兩次都係唱現場。

否認指周秀娜篤數

Theresa跳舞時就任由女 dancers喺佢身上亂摸，勁舞擺動下佢上下都露，不過 Theresa話一早打好晒底，唔擔心走光。講到 Theresa畀啲 Dancer任摸，仲好似揸落佢個胸度， Theresa話：「出場前，我叫佢哋盡情摸，唔使怕，喺台上跳唔緊要，最重要有感覺同效果。我着咗 3條打底褲，就算走光都係見得人嘅打底褲。」另外，有報道言之鑿鑿話 Theresa唔信周秀娜喺書展賣過萬本寫真， Theresa又點回應？佢話：「其實我唔係針對任何人，只係書展工作人員話我知今年人流較少，我同周秀娜都係朋友，我都有 SMS畀佢，佢都明白，我絕對冇話人篤數嘅意思。」