[科技] PlayStation Move《功夫滑仔》

消費 blog：黃婉曼試玩 PlayStation Move 2010年07月23日


[轉載/蘋果日報]繼 wii之後， Sony PS3同微軟 Xbox 360都開發體感遊戲，預計今年內出街。 PS3搶閘成功落實 9月 15日喺香港全球首賣體感控制器 PlayStation Move，比日本仲早一個月。 Sony Computer Entertainment Hong Kong（ SCEH）噚日一口氣展示超過 10款體感遊戲，搵埋近排人氣高企嘅天氣小花黃婉曼率先試玩。

體感式控制好易玩
SCEH巿場部總經理項明生話，體感遊戲係大勢所趨，一家大小男女老幼都啱玩，只需要一個 PlayStation Move控制器，加埋一個捕捉玩家動作嘅鏡頭 PlayStation Eye就玩得。
講到全新體感遊戲碟，主打係首隻配上廣東話嘅《功夫滑仔》（ Kung Fu Rider），製作人池尻大作噚日飛嚟香港介紹。佢話為咗製作呢隻港式遊戲，派咗一隊人嚟香港女人街、石板街、會展等地取景；古仔係講一個香港私家偵探俾流氓追打，隨手坐住張凳飛出石板街逃跑。
黃婉曼即場試玩，見佢揸住控制器，左搖右 fing、又扭又跳玩到喪晒。佢話以前好少打機，嫌手掣好難操控，但係體感式控制好易玩，投入感好高。 SCEH下月 1至 22日喺沙田新城巿廣場畀機迷試玩。