Header Row

[娛樂] 傅穎Theresa:我上身冇着

力撼 o靚模, 傅穎Theresa:我上身冇着!2010-07-16


[轉載/蘋果日報] 盡地一煲撼 o靚模 傅穎:我上身冇着 2010年07月16日
在炎炎夏日,一眾 o靚模在書展「胸」湧推出寫真集, 26歲的傅穎( Theresa),年紀相比她們太大嗎?要成功搶灘, Theresa除密集式宣傳外,今趟寫真集也盡地一煲,半裸又托胸,挑戰個人性感極限。 o靚模屢傳整容兼隆胸, Theresa卻敢以素顏真面目見人,在寫真裏平反被批判整容的聲音。

傅穎籌備數月的寫真集《 about her》將在書展推出,同時也會推出繪本散文集《如果你是我》,她早前已開始宣傳活動,在鬧市派發預售卡,隨卡還附送印有傅穎寫真集照片的 T恤,期望搶灘成功。

抗拒擘髀寫真

Theresa的寫真以 6位數字重金禮聘日本潮界情色攝影師米原康正操刀,為她創造了十多個獨特造型,米原的風格大膽,她自問也接受不來:「佢鍾意影肢解相(身體部位特寫), model會好大膽擘開髀影,我過唔到自己嗰關,影之前都講明唔可以做擘髀動作,佢好好冇逼我。」日本模特兒思想大膽開放, Theresa卻不覺自己輸蝕,她說:「大家嘅定位唔同,我唔係 sell身材,其實今次嘅底線比上幾輯闊好多,將來都未必會着咁少。」
Theresa的寫真由沒有化妝到濃妝造型俱備,她稱第一天米原在酒店見到她沒化妝,便向她提議拍一輯沒有化妝的相片。曾被質疑整容的她,是否也想證明芳容是全天然?她說:「係,所以連粉底都冇用。」
Theresa 坦言有穿比堅尼谷胸上陣,自問身材不及 o靚模的她,也用了 push up bra承托,她說:「因為米原想效果再勁啲,所以加咗墊,加上嗰段時間咁啱 period,所以比平時大咗。」她稱影半裸照那輯相也要求清場:「我都驚 o架,我上身冇着,只係用手遮住呀。」
Theresa在書展推出的繪本散文《如果你是我》,描述了愛情和友情等。當中又有否提及傳不和的鄧麗欣?她說:「我冇指明一個人去寫,我唔想令大家誤會,不過大家係可以搵個人代入去,但我寫嘅時候係冇。」失掉鄧麗欣這個朋友, Theresa坦言不會說可惜,做朋友是講緣份。

轉公司避是非

曾因唱歌走音失信心,至今仍未在公開場合獻唱過,入行 8年,她承認遇上人生中的低潮:「上年經歷咁多事和重要決定(指轉公司),壓力令自己身體都差咗同失眠。」可幸的是,轉投新公司星皓後,明顯是非也轉走了,她說:「我最驚係是非,好困擾,我寧願冇新聞,都唔想負面。」
採訪:溫敏芝 攝影:陳志嵐
Hair: Vince Pang of IL COLPO( TST)
Make up: Matt Hom of Annie G.Chan
場地提供:尖沙嘴麗景酒店

0 comments: