[政治] 詹培忠律師信畀黃毓民

[轉載/蘋果日報] 公投結束，餘波未了，月中商台舉行九西選舉論壇，候選人之一林依麗報稱被謝偉俊非禮，有人拍到片明顯見到係林依麗以上身衝撞謝偉俊，呢單嘢有下集，發展出人意表。
黃毓民揚言冇有怕

當日謝偉俊衝入直播室後知衰，被黃毓民喺商台走廊狂鬧，指身為議員，貿然滋擾選舉論壇好不該，會「失分」。毓民講到興起收唔到掣，忽然扯埋另一個不在場議員落水，「你搵人打我都得，你叫詹培忠買兇殺我都得 o架，你哋唔係未做過呢啲嘢 o架啦，你哋興 o架啦！」
黃毓民何出此言，八方無意揣測，老詹就好㷫，據講上星期畀律師信黃毓民，指佢惡意中傷，要求賠償兼道歉，否則就法庭見，「我嚇大嘅，毓民夠膽咁講，一定要負責！」至於賠幾多，老詹話自己單單生意 10億 8億上落，筆數好襟計。
黃毓民揚言冇有怕，反指老詹曾經公開指佢係黑社會，足以構成誹謗，呢筆賬未算，竟然惡人先告狀，「你叫佢自己照吓塊鏡先啦！」毓民同老詹早有前隙，今年 1月喺立法會上互罵「監躉」、「黑底」，舊恨新仇，怕且今次有排拆。

[主頁] [最新影片] [蘇GOOD] [亞洲星光大道] [目錄] [黃毓民] [化妝美容] [兒歌] [肥媽老友記] [旅遊飲食] [食譜] [MV] [運程] [最新影片]