Header Row

[時事] 洗碗要請大學生

隔牆有耳:洗碗要請大學生


[轉載/蘋果日報] 搵食艱難,尤其在飲食業打滾,家陣連洗大餅都竟然要有大專學歷! 20蚊一粒鐘,真係蚊蚊皆辛苦,得來不易。
必勝客稱資料出錯

話說連鎖薄餅店必勝客噚日舉行招聘日,其中一個職位係「洗碗清潔員」,有人上網一睇,赫然發現呢個職位入職條件竟然係──「大專或以上程度,無須相關工作經驗」或「中五程度,具兩年飲食業管理經驗」。
雖然好多大公司都要求管理階層由低做起,但由洗碗做起真係低得誇張,有網民笑稱,如果做洗碗都要有學位,大學係咪應該新開清潔系;既然洗碗工學歷升呢,又對保障市民健康有貢獻,有用過尸位素餐區議員,理應增設洗碗功能組別。
有網民仲抵死,話「拎 degree嘅做洗碗,腦殘嘅做功能組別議員,和諧社會」。
必勝客公關解釋,今次純屬誤會,刊登招聘廣告時資料出錯,公司請洗碗工無學歷要求,只要通過面試就可以返工,公司請人絕冇歧視。招聘網站噚日已更正資料,刪去洗碗工學歷要求。

[主頁] [最新] [蘇GOOD] [亞洲星光大道] [政治] [化妝] [兒歌] [肥媽] [旅遊飲食] [食譜] [最新影片]

0 comments: