[政治] 7.1政府總部清場睇清啲

隔牆有耳： 7.1政府總部清場睇清啲


[轉載/蘋果日報] 多謝高清技術，唔止有高清世界盃，連 7.1政府總部警方清場有冇濫權，都可以睇清啲。「全民發聲」日前開記招播片，力證警方當晚粗暴打壓示威，仲妨礙醫護救人。有市民聽到全民發聲計劃採取法律行動，放咗段《香港公安抽水成性》片上 YouTube，希望作為證據。
段片高清拍攝，鏡頭調度同光線仲幾有電影感。「星屑醫生」歐陽英傑話，段片好清楚影到當日懷疑推佢同金嬋婆婆嘅警察，連膊頭個冧巴都睇到，同時又影到當晚有個舉止粗暴嘅神秘阿叔，企喺警察同保安嗰邊，閂閘時仲拉扯示威者嘅手，好詭異。
星屑話，佢哋正研究向聯合國、國際人權組織、香港監警會等投訴香港警方，因為 CAPO信唔過。